«Құқық және халықаралық қатынастар» факультетінің деканы
Сіздерді Yessenov University-дің «Құқық және халықаралық қатынастар» факультетінің ресми парақшасында көргеніме қуаныштымын!
Факультетіміз құқықтану, құқық қорғау қызметі, теңіз құқығы, халықаралық қатынастар және Каспий маңы мемлекеттерінің қатынастары бағыттары бойынша мамандар даярлайды. Магистратурада құқықтану бағдарламалары жүзеге асырылады.
Біз үшін заң – әділеттің, ал дипломатия – сенім мен өзара түсіністіктің тілі. Сондықтан студенттеріміздің терең теориялық біліммен қатар практикалық дағдыларын, сыни ойлауын, кәсіби этикасы мен азаматтық жауапкершілігін қалыптастыруға ерекше мән береміз.
Каспий өңірінде орналасуымыз теңіз құқығы мен өңірлік халықаралық ынтымақтастықты зерттеуге бірегей мүмкіндік береді. Студенттер сот, прокуратура, құқық қорғау органдары, мемлекеттік мекемелер және халықаралық ұйымдармен бірлесе жұмыс істеп, тәжірибеден өтеді.
Егер сіз болашағыңызды заңмен, мемлекеттік қызметпен немесе халықаралық қатынастармен байланыстырғыңыз келсе, біздің факультет – сіз үшін дұрыс таңдау. Сіздерді біздің ұжымға шақырамын!